A watchman guards families on a mountain road as night becomes dawn near distant Jerusalem

സങ്കീർത്തനങ്ങൾ 121

Biblica® സ്വതന്ത്രം സമകാലിക മലയാളവിവർത്തനം

അധ്യായ സംഗ്രഹം

സങ്കീർത്തനം 121 തീർത്ഥാടകന്റെ കണ്ണുകളെ മലകൾക്കപ്പുറം, ഒരിക്കലും ഉറങ്ങാത്ത സ്രഷ്ടാവും കാവൽക്കാരനുമായവനിലേക്ക് ഉയർത്തുന്നു. തണലും ജാഗ്രതയുള്ള സാന്നിധ്യവും സമ്പൂർണ്ണസംരക്ഷണവും ഓരോ കാൽവയ്പിലും പോക്കിലും വരവിലും ഇപ്പോഴും എന്നേക്കും കൂടെയുണ്ട്.

സംരക്ഷണംതീർത്ഥയാത്രആശ്രയംകാവൽക്കാരൻ

1പർവതങ്ങളിലേക്കു ഞാൻ എന്റെ കണ്ണുകൾ ഉയർത്തുന്നു— എവിടെനിന്നാണ് എനിക്കു സഹായം വരുന്നത്?

2ആകാശവും ഭൂമിയും സൃഷ്ടിച്ച യഹോവയിൽനിന്നാണ് എനിക്കു സഹായം വരുന്നത്.

3നിന്റെ കാൽ വഴുതാൻ അവിടന്ന് അനുവദിക്കുകയില്ല— നിന്റെ കാവൽക്കാരൻ ഉറക്കംതൂങ്ങുകയുമില്ല;

4ഇസ്രായേലിന്റെ കാവൽക്കാരൻ ഉറങ്ങുകയോ മയങ്ങുകയോ ഇല്ല, നിശ്ചയം.

5യഹോവ നിന്നെ സംരക്ഷിക്കുന്നു! നിനക്കു തണലേകാൻ യഹോവ നിന്റെ വലതുഭാഗത്തുണ്ട്;

6പകൽ, സൂര്യൻ നിന്നെ ഉപദ്രവിക്കുകയില്ല, രാത്രി, ചന്ദ്രനും.

7യഹോവ സകലദോഷത്തിൽനിന്നും നിന്നെ പരിപാലിക്കും— അവിടന്നു നിന്റെ ജീവനു സംരക്ഷണം നൽകും;

8യഹോവ നിന്റെ ഗമനത്തെയും ആഗമനത്തെയും കാത്തുപാലിക്കും, ഇന്നും എന്നെന്നേക്കും.

‹ സങ്കീർത്തനങ്ങൾ 120 സങ്കീർത്തനങ്ങൾ 122 ›

Biblica® സ്വതന്ത്രം സമകാലിക മലയാളവിവർത്തനം — CC BY-SA 4.0. Where these translations come from.