A faithful traveler rests beneath a fruitful tree while chaff scatters across a barren path

സങ്കീർത്തനങ്ങൾ 1

Biblica® സ്വതന്ത്രം സമകാലിക മലയാളവിവർത്തനം

അധ്യായ സംഗ്രഹം

ദൈവത്തിന്റെ ഉപദേശത്തിൽ വേരൂന്നിയവരെ പതിരുപോലെ പറന്നുപോകുന്നവരുമായി സങ്കീർത്തനം 1 താരതമ്യം ചെയ്യുന്നു. ധ്യാനവും ജ്ഞാനമുള്ള സഹവാസവും ഫലപ്രദമായ ജീവിതവും നീതിയുടെ വഴിയെ അടയാളപ്പെടുത്തുന്നു; ദുഷ്ടന്മാരുടെ വഴിയാകട്ടെ നിലനിൽക്കുകയില്ല.

ജ്ഞാനംധ്യാനംനീതിരണ്ടു വഴികൾ

1ദുഷ്ടരുടെ ആലോചനയിൽ നടക്കാതെയും പാപികളുടെ പാതയിൽ നിൽക്കാതെയും പരിഹാസകരുടെ പീഠങ്ങളിൽ ഇരിക്കാതെയും ജീവിക്കുന്നവർ അനുഗൃഹീതർ.

2അവർ യഹോവയുടെ ന്യായപ്രമാണത്തിൽ ആനന്ദിക്കുന്നു; അവിടത്തെ ന്യായപ്രമാണം അവർ രാപകൽ ധ്യാനിക്കുന്നു.

3നീർച്ചാലുകൾക്കരികെ നട്ടതും അതിന്റെ സമയത്തു ഫലം നൽകുന്നതും ഇലകൊഴിയാത്തതുമായ വൃക്ഷംപോലെയാണവർ— അവർ ചെയ്യുന്നതൊക്കെയും അഭിവൃദ്ധിപ്പെടുന്നു.

4ദുഷ്ടർ അങ്ങനെയല്ല! അവർ കാറ്റത്തു പാറിപ്പോകുന്ന പതിരുപോലെയാണ്.

5അതിനാൽ ദുഷ്ടർ ന്യായവിസ്താരത്തിലും പാപികൾ നീതിനിഷ്ഠരുടെ സദസ്സിലും തലയുയർത്തിനിൽക്കുകയില്ല.

6യഹോവ നീതിനിഷ്ഠരുടെ മാർഗം അറിയുന്നു, എന്നാൽ ദുഷ്ടരുടെ മാർഗം നാശത്തിൽ നിപതിക്കുന്നു.

‹ ഇയ്യോബ് 42 സങ്കീർത്തനങ്ങൾ 2 ›

Biblica® സ്വതന്ത്രം സമകാലിക മലയാളവിവർത്തനം — CC BY-SA 4.0. Where these translations come from.