People and animals across mountains and sea raise joyful attention beneath sun, moon, stars, and storms

زبُور 148

Biblica® آزادانہ اردو ہم عصر ترجمہ

باب کا خلاصہ

زبور 148 ہر بلندی اور گہرائی کو ایک گروہ میں بلاتی ہے: آسمانی روشنیاں، موسم، مناظر، جانور، حکمران، بزرگ، اور بچے۔ تخلیق شدہ تنوع حمد اور تازہ اجتماعی وقار کے واحد مقصد میں شریک ہوتا ہے۔

تخلیقحمدقومیںوقار

1یَاہوِہ کی سِتائش ہو۔ آسمان پر سے یَاہوِہ کی سِتائش کرو، عالمِ بالا پر اُن کی سِتائش کرو۔

2اَے یَاہوِہ کے فرشتو! سَب اُن کی سِتائش کرو، اَے اُن کے آسمانی فَوج! سَب اُن کی سِتائش کرو۔

3اَے سُورج! اَے چاند! اُن کی سِتائش کرو، اَے نُورانی سِتارو! سَب اُن کی سِتائش کرو۔

4اَے فلک الافلاک، اُن کی سِتائش کرو، اَور تُو بھی اَے فِضا پر کے پانی۔

5یہ سَب یَاہوِہ کے نام کی سِتائش کریں، کیونکہ اُنہُوں نے حُکم دیا اَور یہ پیدا ہو گیٔے۔

6کیونکہ اُنہُوں نے اُسے ابدُالآباد کے لیٔے قائِم کیا؛ اُنہُوں نے ایک قوانین جاری کیا جو اٹل ہے۔

7زمین پر سے یَاہوِہ کی سِتائش کرو، اَے سَب بڑی بڑی سمُندری مخلُوقات اَور تمام گہرے سمُندرو،

8اَے بجلی اَور اولو، اَور برف اَور بادلو، اَور طُوفانی ہواؤ جو اُن کے حُکم کی تعمیل کرتی ہو،

9اَے پہاڑو اَور سَب ٹِیلو، اَے میوہ دار درختو اَور سَب دیودارو،

10اَے جنگلی جانورو اَور سَب مویشیو، اَے رینگنے والے کیڑے مکوڑو اَور اُڑنے والے پرندو،

11اَے زمین کے بادشاہو اَور سَب قومو، اَے اُمرا اَور زمین کے سَب حاکمو،

12اَے نوجوانو اَور کنواریو، اَے عمر رسیدہ اَور بچّو۔

13یہ سَب یَاہوِہ کے نام کی سِتائش کریں، کیونکہ صِرف اُن ہی کا نام ممتاز ہے؛ اَور اُن کی شان و شوکت زمین اَور آسمان سے بُلند ہے۔

14اُنہُوں نے اَپنی اُمّت کے سینگ کو بُلند کیا ہے، جو اُن کے سَب مُقدّسین کے لیٔے فخر کا، اَور اَپنی مُقرّب قوم بنی اِسرائیل کے لیٔے تعریف کا باعث ہو۔ یَاہوِہ کی سِتائش کرو۔

‹ زبُور 147 زبُور 149 ›

Biblica® آزادانہ اردو ہم عصر ترجمہ — CC BY-SA 4.0. Where these translations come from.