A violent thunderstorm breaks a cedar as worshipers watch safely from a stone sanctuary

स्तोत्रसंहिता 29

Biblica® मराठी समकालीन स्वतंत्र संस्करण

अध्याय सारांश

स्तोत्र 29 समुद्रापासून जंगल व वाळवंटाकडे जाणाऱ्या गडगडाटाद्वारे दैवी महिमा ऐकतो. निर्मिती थरथरते, उपासना विस्मयाने प्रतिसाद देते, आणि प्रचंड प्रदर्शन लोकांसाठी सामर्थ्य व शांतीने संपते.

वादळनिर्मितीगौरवशांती

1अहो दिव्यदूतांनो, याहवेहला गौरव आणि सामर्थ्य द्या.

2याहवेहच्या नावाला योग्य ते गौरव द्या; पवित्रतेच्या वैभवाने याहवेहची उपासना करा.

3याहवेहची वाणी जलांवर आहे; गौरवशाली याहवेहची वाणी महा जलाशयांवर गर्जत आहे.

4याहवेहची वाणी प्रतापशाली आहे; प्रभावी आहे याहवेहचा स्वर.

5याहवेहच्या गर्जनेने देवदारू वृक्ष मोडून पडतात; लबानोनमधील देवदारू वृक्ष दुभंगतात.

6लबानोनचा डोंगर वासराप्रमाणे आणि सिर्योन तरुण रानबैलाप्रमाणे बागडतो;

7याहवेहचा आवाज कडाडतो, विजा चमकल्यासारखा.

8याहवेहच्या आवाजाचा गडगडाट वाळवंटे ढवळून काढतात; कादेशचे अरण्य याहवेह कंपित करतात.

9याहवेहच्या आवाजाने हरिणी प्रसवतात आणि वने पर्णहीन होतात. आणि त्यांच्या मंदिरात सर्वजण म्हणतात: “याहवेहचा, महिमा असो.”

10याहवेह जलप्रलयावर सिंहासनावर आरूढ झालेले आहेत; याहवेहच महाराज बनून सिंहासनावर सर्वकाळ स्थानबद्ध झालेले आहेत.

11याहवेह आपल्या लोकांना सामर्थ्य देतात; याहवेह आपल्या लोकांना शांती देऊन आशीर्वादित करतात.

‹ स्तोत्रसंहिता 28 स्तोत्रसंहिता 30 ›

Biblica® मराठी समकालीन स्वतंत्र संस्करण — CC BY-SA 4.0. Where these translations come from.