Joyful families drawing clear water from wells and singing together beneath Jerusalem's morning light

యెషయా 12

Biblica® ఉచిత తెలుగు సమకాలీన అనువాదం

అధ్యాయ సారాంశం

దేవుని కోపం వెనుదిరిగి, ఆయన ఓదార్పు వచ్చినందుకు విమోచించబడిన సమాజం కృతజ్ఞతలు తెలుపుతుంది. నమ్మకం భయం స్థానంలో వస్తుంది, ప్రజలు సంతోషంగా రక్షణ బావుల నుండి తాగి జాతుల మధ్య దేవుని కార్యాలను ప్రకటిస్తారు.

రక్షణసంతోషంనమ్మకంస్తుతి

1ఆ రోజున మీరు ఇలా అంటారు: “యెహోవా, నేను మిమ్మల్ని స్తుతిస్తాను. మీరు నాపై కోప్పడినా కూడా మీ కోపం చల్లారింది మీరు నన్ను ఆదరించారు.

2నిజంగా దేవుడే నా రక్షణ; నేను భయపడను ఆయనను నమ్ముతాను. యెహోవా యెహోవాయే నా బలం, నా ఆత్మరక్షణ; ఆయనే నా రక్షణ అయ్యారు.”

3మీరు రక్షణ బావులలో నుండి ఆనందంతో నీళ్లు చేదుతారు.

4ఆ రోజున మీరు ఇలా అంటారు: “యెహోవాకు స్తుతి చెల్లించండి, ఆయన నామాన్ని ప్రకటించండి; దేశాల్లో ఆయన చేసిన కార్యాలను తెలియజేయండి, ఆయన పేరు ఘనమైనదని ప్రకటించండి.

5యెహోవాకు స్తుతి చెల్లించండి, ఆయన మహిమగల కార్యాలు చేశారు; లోకమంతటికి ఇది తెలియాలి.

6సీయోను ప్రజలారా, బిగ్గరగా కేకలువేస్తూ సంతోషంతో పాడండి, ఎందుకంటే, మీ మధ్య ఉన్న ఇశ్రాయేలు పరిశుద్ధుడు గొప్పవాడు.”

‹ యెషయా 11 యెషయా 13 ›

Biblica® ఉచిత తెలుగు సమకాలీన అనువాదం — CC BY-SA 4.0. Where these translations come from.