An elder advocates for poor families and children before wealthy, indifferent judges in an ancient court

സങ്കീർത്തനങ്ങൾ 82

Biblica® സ്വതന്ത്രം സമകാലിക മലയാളവിവർത്തനം

അധ്യായ സംഗ്രഹം

ദുർബലരും അനാഥരും ദരിദ്രരും പീഡിതരും സംരക്ഷണമില്ലാതെ തുടരുമ്പോൾ ദുഷ്ടന്മാർക്കു അനുകൂലം കാണിക്കുന്ന ഭരണാധികാരികളെ സങ്കീർത്തനം 82 കുറ്റപ്പെടുത്തുന്നു. അവരുടെ അന്യായം സമൂഹത്തിന്റെ അടിസ്ഥാനങ്ങളെ കുലുക്കുന്നു; ശരിയായ ക്രമം പുനഃസ്ഥാപിക്കാൻ യഥാർത്ഥ ന്യായാധിപനോടുള്ള അപേക്ഷ അതു ഉണർത്തുന്നു.

ന്യായംദുർബലർന്യായവിധിനേതൃത്വം

1ദൈവം മഹാസഭയിൽ ആധ്യക്ഷ്യംവഹിക്കുന്നു; അവിടന്ന് ദേവന്മാർക്കിടയിൽ ന്യായംവിധിക്കുന്നു:

2“എത്രനാൾ നിങ്ങൾ അനീതിക്കായി നിലകൊള്ളുകയും ദുഷ്ടരോട് പക്ഷപാതംകാണിക്കുകയും ചെയ്യും. സേലാ

3അനാഥർക്കും ദുർബലർക്കുമായി നിലകൊള്ളുക; ദരിദ്രർക്കും പീഡിതർക്കും ന്യായപാലനം ചെയ്യുക.

4അഗതികളെയും ദുർബലരെയും മോചിപ്പിക്കുക; അവരെ ദുഷ്ടരുടെ കൈകളിൽനിന്ന് വിടുവിക്കുക.

5“അവർ ഒന്നും അറിയുന്നില്ല, അവർ ഒന്നും മനസ്സിലാക്കുന്നില്ല. അവർ അന്ധകാരത്തിൽ തപ്പിത്തടയുന്നു; ഭൂമിയുടെ അടിസ്ഥാനങ്ങളെല്ലാം ഇളകിയിരിക്കുന്നു.

6“ ‘നിങ്ങൾ ദേവന്മാർ, എന്നും നിങ്ങൾ എല്ലാവരും അത്യുന്നതന്റെ മക്കൾ എന്നും ഞാൻ പറഞ്ഞു.’

7എന്നാൽ വെറും മനുഷ്യരെപ്പോലെ നിങ്ങൾ മരിക്കും; ഭരണാധിപരിൽ ഒരാളെപ്പോലെ നിങ്ങൾ വീണുപോകും.”

8ദൈവമേ, എഴുന്നേൽക്കണമേ, ഭൂമിയെ വിധിക്കണമേ, കാരണം സകലരാഷ്ട്രങ്ങളും അങ്ങയുടെ അവകാശമാണല്ലോ.

‹ സങ്കീർത്തനങ്ങൾ 81 സങ്കീർത്തനങ്ങൾ 83 ›

Biblica® സ്വതന്ത്രം സമകാലിക മലയാളവിവർത്തനം — CC BY-SA 4.0. Where these translations come from.