A shepherd leads sheep beside water, through a ravine, and toward an abundant table

സങ്കീർത്തനങ്ങൾ 23

Biblica® സ്വതന്ത്രം സമകാലിക മലയാളവിവർത്തനം

അധ്യായ സംഗ്രഹം

ഒരു ഇടയന്റെ ശ്രദ്ധയുള്ള പരിപാലനത്തിൻ കീഴിലുള്ള ജീവിതത്തെ സങ്കീർത്തനം 23 ചിത്രീകരിക്കുന്നു: വിശ്രമം, പുനരുജ്ജീവനം, നേരായ പാതകൾ, കൂരിരുൾ താഴ്വരയിലെ ധൈര്യം, സമൃദ്ധമായ മേശ, തൈലാഭിഷേകം; ഒപ്പം യഹോവയുടെ ആലയത്തിൽ എന്നേക്കുമുള്ള സ്വീകരണത്തിന്റെയും ഉൾപ്പെടലിന്റെയും വാഗ്ദാനവും.

ഇടയൻകരുതൽസംരക്ഷണംഭവനം

1യഹോവ എന്റെ ഇടയൻ ആകുന്നു, എനിക്ക് ഒന്നിനും കുറവുണ്ടാകുകയില്ല.

2പച്ചപ്പുൽമേടുകളിൽ അവിടന്ന് എന്നെ കിടത്തുന്നു, പ്രശാന്തമായ ജലാശയങ്ങളിലേക്ക് അവിടന്ന് എന്നെ നയിക്കുന്നു,

3എന്റെ പ്രാണന് അവിടന്ന് നവജീവൻ പകരുന്നു. തിരുനാമംനിമിത്തം എന്നെ നീതിപാതകളിൽ നടത്തുന്നു.

4മരണനിഴലിൻ താഴ്വരയിൽക്കൂടി ഞാൻ സഞ്ചരിച്ചെന്നാലും, ഒരു അനർഥവും ഞാൻ ഭയപ്പെടുകയില്ല, എന്നോടൊപ്പം അവിടന്നുണ്ടല്ലോ; അവിടത്തെ വടിയും കോലും എന്നെ ആശ്വസിപ്പിക്കുന്നു.

5എന്റെ ശത്രുക്കളുടെമുമ്പിൽ, അങ്ങ് എനിക്കൊരു വിരുന്നൊരുക്കുന്നു. എന്റെ ശിരസ്സിൽ അവിടന്ന് തൈലാഭിഷേകം നടത്തുന്നു; എന്റെ പാനപാത്രം കവിഞ്ഞൊഴുകുന്നു.

6എന്റെ ആയുഷ്കാലമെല്ലാം നന്മയും കരുണയും എന്നെ പിൻതുടരും, നിശ്ചയം, ഞാൻ യഹോവയുടെ ആലയത്തിൽ നിത്യം വസിക്കും.

‹ സങ്കീർത്തനങ്ങൾ 22 സങ്കീർത്തനങ്ങൾ 24 ›

Biblica® സ്വതന്ത്രം സമകാലിക മലയാളവിവർത്തനം — CC BY-SA 4.0. Where these translations come from.