A priest offers bread and a cup to a kneeling king beside gathered volunteers and abandoned weapons

സങ്കീർത്തനങ്ങൾ 110

Biblica® സ്വതന്ത്രം സമകാലിക മലയാളവിവർത്തനം

അധ്യായ സംഗ്രഹം

ശത്രുക്കൾക്കു മറിച്ചിടാൻ കഴിയാത്ത ഭരണമുള്ള, ദൈവികമായി അധികാരപ്പെടുത്തപ്പെട്ട ഒരു ഭരണാധികാരിയെ സങ്കീർത്തനം 110 ചിത്രീകരിക്കുന്നു. രാജകീയ വിജയം മൽക്കീസേദെക്കിനോടു ബന്ധപ്പെട്ട ശാശ്വത പൗരോഹിത്യവുമായി ചേരുന്നു; മനസ്സോടെയുള്ള ജനം പ്രഭാതത്തിലെ മഞ്ഞിന്റെ പുതുമയോടെ ഒരുമിച്ചുകൂടുന്നു.

രാജത്വംപൗരോഹിത്യംഅധികാരംവിജയം

1യഹോവ എന്റെ കർത്താവിനോട് അരുളിച്ചെയ്യുന്നു: “ഞാൻ നിന്റെ ശത്രുക്കളെ നിന്റെ ചവിട്ടടിയിലാക്കുംവരെ നീ എന്റെ വലതുഭാഗത്ത് ഉപവിഷ്ടനാകുക.”

2യഹോവ നിന്റെ ശക്തിയുള്ള ചെങ്കോൽ സീയോനിൽനിന്നു സുദീർഘമാക്കും; “നീ നിന്റെ ശത്രുക്കളുടെ മധ്യേ വാഴും!”

3നിന്റെ യുദ്ധദിവസത്തിൽ, നിന്റെ ജനം നിനക്കു സ്വമേധയാ സമർപ്പിക്കും. വിശുദ്ധിയുടെ പ്രഭാവത്തിൽ, ഉഷസ്സിന്റെ ഉദരത്തിൽനിന്ന് എന്നതുപോലെ യുവാക്കൾ നിന്നിലേക്കു വന്നുചേരും.

4യഹോവ ശപഥംചെയ്തിരിക്കുന്നു, ആ ഉടമ്പടി അവിടന്ന് ലംഘിക്കുകയില്ല: “മൽക്കീസേദെക്കിന്റെ ക്രമപ്രകാരം അങ്ങ് എന്നെന്നേക്കും പുരോഹിതനായിരിക്കും.”

5കർത്താവ് നിന്റെ വലതുഭാഗത്തുണ്ട്; തന്റെ ക്രോധദിവസത്തിൽ അവിടന്ന് രാജാക്കന്മാരെ തകർത്തുകളയും.

6അവിടന്ന് ജനതകളെ ന്യായംവിധിക്കും, അവരുടെ ദേശം ശവങ്ങൾകൊണ്ട് നിറയ്ക്കും ഭൂമിയിലെങ്ങുമുള്ള പ്രഭുക്കന്മാരെ അവിടന്ന് ചിതറിച്ചുകളയും.

7അവിടന്ന് വഴിയരികെയുള്ള അരുവിയിൽനിന്നു കുടിക്കും അതിനാൽ അവിടന്ന് ശിരസ്സുയർത്തും.

‹ സങ്കീർത്തനങ്ങൾ 109 സങ്കീർത്തനങ്ങൾ 111 ›

Biblica® സ്വതന്ത്രം സമകാലിക മലയാളവിവർത്തനം — CC BY-SA 4.0. Where these translations come from.