Families from many nations share a rich harvest and praise together beneath a bright peaceful sky

ಕೀರ್ತನೆಗಳು 67

Biblica® ಉಚಿತ ಕನ್ನಡ ಸಮಕಾಲಿಕ ಭಾಷಾಂತರ

ಅಧ್ಯಾಯ ಸಾರಾಂಶ

ಪ್ರತಿಯೊಂದು ಜನಾಂಗವು ದೇವರ ರಕ್ಷಣೆಯ ಮಾರ್ಗವನ್ನು ತಿಳಿಯುವಂತೆ ಕೀರ್ತನೆ 67 ದೈವಿಕ ಆಶೀರ್ವಾದವನ್ನು ಕೇಳುತ್ತದೆ. ನ್ಯಾಯಯುತ ಮಾರ್ಗದರ್ಶನವು ಜನರಿಗೆ ಸಂತೋಷದ ಕಾರಣ ನೀಡುತ್ತದೆ, ಭೂಮಿ ತನ್ನ ಫಸಲನ್ನು ಕೊಡುತ್ತದೆ, ಮತ್ತು ಪಡೆದ ಸಮೃದ್ಧಿಯು ಲೋಕದ ದೂರದ ಗಡಿಗಳವರೆಗೆ ವಿಸ್ತರಿಸುವ ಸಾಕ್ಷಿಯಾಗುತ್ತದೆ.

ಜನಾಂಗಗಳುಆಶೀರ್ವಾದನ್ಯಾಯಸುಗ್ಗಿ

1ದೇವರು ನಮ್ಮ ಮೇಲೆ ಕರುಣೆಯಿಟ್ಟು, ನಮ್ಮನ್ನು ಆಶೀರ್ವದಿಸಲಿ. ದೇವರು ತಮ್ಮ ಮುಖವನ್ನು ನಮ್ಮ ಮೇಲೆ ಪ್ರಕಾಶಿಸಮಾಡಲಿ.

2ಆಗ ದೇವರೇ, ನಿಮ್ಮ ಮಾರ್ಗಗಳು ಭೂಮಿಯಲ್ಲಿ ಗೊತ್ತಾಗುವುದು. ನಿಮ್ಮ ರಕ್ಷಣೆಯು ಎಲ್ಲಾ ಜನಾಂಗಗಳಲ್ಲಿ ಪ್ರಸಿದ್ಧವಾಗುವುದು.

3ದೇವರೇ, ಜನರು ನಿಮ್ಮನ್ನು ಕೊಂಡಾಡಲಿ, ಸರ್ವ ಜನಾಂಗಗಳು ನಿಮ್ಮನ್ನು ಸ್ತುತಿಸಲಿ.

4ಜನಾಂಗಗಳು ಸಂತೋಷಪಟ್ಟು ಉತ್ಸಾಹದಿಂದ ಹಾಡಲಿ. ಏಕೆಂದರೆ ನೀವು ಜನರನ್ನು ನೀತಿಯಿಂದ ನ್ಯಾಯತೀರಿಸಿ, ಜನಾಂಗಗಳನ್ನು ಭೂಮಿಯಲ್ಲಿ ಪರಿಪಾಲಿಸುತ್ತೀರಿ.

5ದೇವರೇ, ಜನರು ನಿಮ್ಮನ್ನು ಕೊಂಡಾಡಲಿ. ಸರ್ವ ಜನಾಂಗಗಳು ನಿಮ್ಮನ್ನು ಸ್ತುತಿಸಲಿ.

6ಭೂಮಿಯು ತನ್ನ ಬೆಳೆಯನ್ನು ಕೊಡುವುದು. ದೇವರೇ, ಹೌದು, ನಮ್ಮ ದೇವರೇ ನಮ್ಮನ್ನು ಆಶೀರ್ವದಿಸುವರು.

7ದೇವರು ನಮ್ಮನ್ನು ಆಶೀರ್ವದಿಸುವರು. ಭೂಮಿಯಲ್ಲಿರುವ ಎಲ್ಲರೂ ದೇವರಲ್ಲಿ ಭಯಭಕ್ತಿಯುಳ್ಳವರಾಗಿರುವರು.

‹ ಕೀರ್ತನೆಗಳು 66 ಕೀರ್ತನೆಗಳು 68 ›

Biblica® ಉಚಿತ ಕನ್ನಡ ಸಮಕಾಲಿಕ ಭಾಷಾಂತರ — CC BY-SA 4.0. Where these translations come from.