Children leap joyfully in a green field beneath a healing sunrise as an Elijah-like prophet gathers parents and children toward reconciliation

માલાખી 4

ઇન્ડિયન રીવાઇઝ્ડ વર્ઝન ગુજરાતી - 2019

પ્રકરણ સારાંશ

આવનારો દિવસ ગર્વિષ્ઠ દુષ્ટતા વિરુદ્ધ ભઠ્ઠી જેમ બળે છે, કોઈ મૂળ કે ડાળી છોડ્યા વગર. પરમેશ્વરના નામનું આદર કરનારાઓ માટે, ન્યાયીપણાનો સૂર્ય સાજાપણા સાથે ઊગે છે અને તેઓ વાછરડાં જેમ કૂદે છે. પુસ્તક મુસાને યાદ કરીને અને માતાપિતા તથા બાળકોને સમાધાન કરવા એલિયાનું વચન આપીને પૂરું થાય છે.

પ્રભુનો દિવસસાજાપણુંમુસાએલિયાસમાધાન

1કેમ કે જુઓ, તે દિવસ આવી રહ્યો છે, ભઠ્ઠીની પેઠે બળે છે, જ્યારે બધા અભિમાની તથા દુરાચારીઓ ભૂસા સમાન થશે. સૈન્યોના યહોવાહ કહે છે કે, જે દિવસ આવે છે તે તેઓને એવા બાળી નાખશે કે” “તેમનું મૂળ કે ડાળી રહેશે નહિ.

2પણ તમે જેઓ મારા નામનો ભય રાખો છો, તેઓના માટે ન્યાયીપણાનો સૂર્ય ઊગશે અને તેની પાંખોમાં સાજાપણું હશે. તમે બહાર આવીને વાડામાંથી છૂટેલા વાછરડાની જેમ કૂદશો.

3અને તમે દુષ્ટ લોકોને તમારા પગ નીચે છૂંદશો, સૈન્યોના યહોવાહ કહે છે કે, “જે દિવસે હું આ કરીશ તે દિવસે તેઓ તમારાં પગનાં તળિયાં નીચે રાખ જેવા થશે.”

4“મારા સેવક મૂસાનો નિયમ, જે મેં હોરેબમાં સર્વ ઇઝરાયલને માટે ફરમાવ્યો હતો, તે કાનૂનો તથા વિધિઓ પાળવા યાદ રાખો.

5જુઓ, યહોવાહનો મહાન તથા ભયંકર દિવસ આવે તે પહેલાં, હું તમારી પાસે એલિયા પ્રબોધકને મોકલીશ.

6તે પિતાઓનાં હૃદયને દીકરા તરફ તથા દીકરાઓનાં હૃદયને પિતાઓ તરફ ફેરવશે; રખેને હું આવીને પૃથ્વીનો શાપથી વિનાશ કરું.”

‹ માલાખી 3 માથ્થી 1 ›

ઇન્ડિયન રીવાઇઝ્ડ વર્ઝન ગુજરાતી - 2019 — CC BY-SA 4.0. Where these translations come from.