Joshua and Israel’s leaders overlooking conquered cities and the Jordan valley

యెహోషువ 12

Biblica® ఉచిత తెలుగు సమకాలీన అనువాదం

అధ్యాయ సారాంశం

అధ్యాయం మోషే ఆధ్వర్యంలో యొర్దానుకు తూర్పున, యెహోషువ ఆధ్వర్యంలో యొర్దానుకు పడమర ఓడించిన రాజులను నమోదు చేస్తుంది. ఈ క్రమబద్ధమైన జ్ఞాపకం అరణ్య సరిహద్దుల నుండి కొండ ప్రాంతం, భూమి అంతటా ఇశ్రాయేలు విజయాలను సంగ్రహిస్తుంది.

జ్ఞాపకంవిజయంభూమినెరవేరిన వాగ్దానం

1ఇశ్రాయేలీయులు ఓడించిన దేశపు రాజులు వీరే: అర్నోను కొండగట్టు నుండి హెర్మోను పర్వతం వరకు, అరాబాకు తూర్పున ఉన్న ప్రాంతంతో సహా యొర్దానుకు తూర్పున ఉన్న వారి దేశాలను స్వాధీనం చేసుకున్నారు.

2అమోరీయుల రాజైన సీహోను హెష్బోను నుండి పరిపాలించాడు. అతడు అర్నోను కొండగట్టు అంచున ఉన్న అరోయేరు నుండి అనగా కొండ మధ్య నుండి అమ్మోనీయుల సరిహద్దు యైన యబ్బోకు నది వరకు పరిపాలించాడు. ఇందులో సగం గిలాదు ఉంది.

3అతడు తూర్పు అరాబాను కిన్నెరెతు సముద్రం నుండి అరాబా సముద్రం (అంటే మృత సముద్రం) వరకు, బేత్-యెషిమోతు వరకు, ఆపై పిస్గా కొండ క్రింద దక్షిణం వైపు వరకు పరిపాలించాడు.

4అష్తారోతు, ఎద్రెయీలలో పాలించిన రెఫాయీయులలో చివరివాడైన బాషాను రాజైన ఓగు యొక్క భూభాగము.

5అతడు హెర్మోను పర్వతం, సలేకా, గెషూరు, మయకా ప్రజల సరిహద్దు వరకు బాషాను మొత్తాన్ని, గిలాదులో సగం హెష్బోను రాజైన సీహోను సరిహద్దు వరకు పరిపాలించాడు.

6యెహోవా సేవకుడైన మోషే, ఇశ్రాయేలీయులు వారిని జయించారు. యెహోవా సేవకుడైన మోషే రూబేనీయులకు, గాదీయులకు, మనష్షే అర్థగోత్రానికి వారి భూమిని స్వాస్థ్యంగా ఇచ్చాడు.

7యెహోషువ, ఇశ్రాయేలీయులు యొర్దానుకు పశ్చిమాన, లెబానోను లోయలోని బయల్-గాదు నుండి శేయీరు వైపుగా ఉన్న హలాకు పర్వతం వరకు జయించిన దేశాల రాజుల జాబితా ఇది. యెహోషువ ఇశ్రాయేలీయులకు వారి గోత్రాల ప్రకారం వారి భూములను వారసత్వంగా ఇచ్చాడు.

8ఈ భూములలో కొండసీమ, పశ్చిమ పర్వతాలు, అరాబా, పర్వత వాలులు, అరణ్యం, దక్షిణ ప్రాంతం ఉన్నాయి. ఇవి హిత్తీయులు, అమోరీయులు, కనానీయులు, పెరిజ్జీయులు, హివ్వీయులు, యెబూసీయుల దేశాలు. వారు జయించిన రాజు లెవరనగా:

9యెరికో రాజు ఒక్కడు హాయి రాజు (బేతేలు సమీపంలోని) ఒక్కడు

10యెరూషలేము రాజు ఒక్కడు హెబ్రోను రాజు ఒక్కడు

11యర్మూతు రాజు ఒక్కడు లాకీషు రాజు ఒక్కడు

12ఎగ్లోను రాజు ఒక్కడు గెజెరు రాజు ఒక్కడు

13దెబీరు రాజు ఒక్కడు గెదెరు రాజు ఒక్కడు

14హోర్మా రాజు ఒక్కడు అరాదు రాజు ఒక్కడు

15లిబ్నా రాజు ఒక్కడు అదుల్లాము రాజు ఒక్కడు

16మక్కేదా రాజు ఒక్కడు బేతేలు రాజు ఒక్కడు

17తప్పూయ రాజు ఒక్కడు హెఫెరు రాజు ఒక్కడు

18ఆఫెకు రాజు ఒక్కడు లషారోను రాజు ఒక్కడు

19మాదోను రాజు ఒక్కడు హాసోరు రాజు ఒక్కడు

20షిమ్రోను మెరోను రాజు ఒక్కడు అక్షఫు రాజు ఒక్కడు

21తానాకు రాజు ఒక్కడు మెగిద్దో రాజు ఒక్కడు

22కెదెషు రాజు ఒక్కడు కర్మెలులోని యొక్నీము రాజు ఒక్కడు

23దోరు రాజు (నఫోత్ దోరు లోని) ఒక్కడు గిల్గాలులో గోయీం రాజు ఒక్కడు

24తిర్సా రాజు ఒక్కడు మొత్తం ముప్పై ఒక్క మంది రాజులు.

‹ యెహోషువ 11 యెహోషువ 13 ›

Biblica® ఉచిత తెలుగు సమకాలీన అనువాదం — CC BY-SA 4.0. Where these translations come from.