A weary fugitive king prays beside a shield as enemies gather on distant ridges

சங்கீதம் 3

Biblica® திறந்தநிலை தமிழ் சமகால பதிப்பு

அத்தியாய சுருக்கம்

தப்பியோட்டத்தின்போது சூழப்பட்டு, சங்கீதக்காரன் ஆபத்தையும் புகழையும் கடவுளிடம் ஒப்படைக்கிறான். பாதுகாப்பு ஒரு கேடயமாகிறது, ஜெபம் பதில் பெறுகிறது, பாதுகாப்பான தூக்கம் எல்லா பக்கங்களிலும் மிகுந்த எதிர்ப்பு இருந்தாலும் புதுப்பிக்கப்பட்ட தைரியத்திற்கு வழிநடத்துகிறது.

அடைக்கலம்ஜெபம்பாதுகாப்புதைரியம்

1யெகோவாவே, என் பகைவர்கள் எத்தனை பேராய் இருக்கிறார்கள்! எத்தனைபேர் எனக்கு விரோதமாக எழும்புகிறார்கள்.

2அநேகர் என்னைக்குறித்து, “இறைவன் அவனை விடுவிக்கமாட்டார்” என்று சொல்கிறார்கள்.

3ஆனால் யெகோவாவே, நீர் என்னைச் சுற்றிலும் கேடயமும், என் மகிமையும் என் தலையை உயர்த்துகிறவருமாய் இருக்கிறீர்.

4நான் சத்தமிட்டு யெகோவாவைக் கூப்பிடுகிறேன்; அவர் தமது பரிசுத்த மலையிலிருந்து எனக்குப் பதில் கொடுக்கிறார்.

5நான் படுத்துக்கொண்டு உறங்குகிறேன்; யெகோவா என்னைத் தாங்குவதால், நான் திரும்பவும் விழித்தெழுகிறேன்.

6எல்லாப் பக்கங்களிலும் பதினாயிரம்பேர் எனக்கு விரோதமாய் நின்றாலும், நான் பயப்படமாட்டேன்.

7யெகோவாவே, எழுந்தருளும்; என் இறைவனே, என்னை விடுவியும். என் எதிரிகள் எல்லோரையும் கன்னத்தில் அடித்து, கொடியவர்களின் பற்களை உடைத்துப்போடும்.

8யெகோவாவிடமிருந்தே விடுதலை வருகிறது. உம்முடைய ஆசீர்வாதம் உமது மக்களின்மேல் இருப்பதாக.

‹ சங்கீதம் 2 சங்கீதம் 4 ›

Biblica® திறந்தநிலை தமிழ் சமகால பதிப்பு — CC BY-SA 4.0. Where these translations come from.