Pilgrims reconcile, reject bribery, and welcome neighbors below a sanctuary tent

சங்கீதம் 15

Biblica® திறந்தநிலை தமிழ் சமகால பதிப்பு

அத்தியாய சுருக்கம்

சங்கீதம் 15 ஒருங்கிணைந்த குணாதிசயத்தின் உருவப்படம் மூலம் யார் பரிசுத்தத்திற்கு அருகில் வாழலாம் என்று பதிலளிக்கிறது. உண்மையான பேச்சு, அயலவர் கவனிப்பு, நிதி நேர்மை, உறுதியான வாக்குறுதிகள் சாதாரண உறவுகளிலும் பொது நடத்தையிலும் வழிபாட்டை காணக்கூடியதாக்குகின்றன.

நேர்மைவழிபாடுசத்தியம்அயலவர் அன்பு

1யெகோவாவே, உமது பரிசுத்த கூடாரத்தில் யார் வாழ்வான்? உமது பரிசுத்த மலையில் யார் குடியிருப்பான்?

2குற்றமற்றவர்களாய் நடக்கிறவர்கள், நீதியானதைச் செய்கிறவர்கள், உள்ளத்திலிருந்து உண்மையைப் பேசுகிறவர்கள்;

3தம் நாவினால் அவதூறு பேசாதவர்கள், தம் தோழருக்கு அநியாயம் செய்யாதவர்கள், மற்றவர்களை நிந்திக்காதவர்கள்;

4இழிவானவனை அவமதிப்பவர்கள், யெகோவாவுக்குப் பயந்து நடப்பவர்களைக் கனம்பண்ணுகிறவர்கள்; ஆணையிட்டதினால் துன்பம் நேரிட்டாலும் மனதை மாற்றாதவர்கள்;

5ஏழைகளுக்குத் தம் பணத்தை வட்டியின்றிக் கடனாகக் கொடுப்பவர்கள், குற்றமற்றவர்களுக்கு விரோதமாக இலஞ்சம் வாங்காதவர்கள். இவ்வாறு வாழ்கிறவர்கள் ஒருபோதும் அசைக்கப்படுவதில்லை.

‹ சங்கீதம் 14 சங்கீதம் 16 ›

Biblica® திறந்தநிலை தமிழ் சமகால பதிப்பு — CC BY-SA 4.0. Where these translations come from.