Joyful families drawing clear water from wells and singing together beneath Jerusalem's morning light

यशायाह 12

Biblica® मराठी समकालीन स्वतंत्र संस्करण

अध्याय सारांश

देवाचा राग वळला आहे आणि त्याचे सांत्वन आले आहे म्हणून सोडवलेला समाज आभार मानतो. लोक आनंदाने तारणाच्या विहिरीतून पाणी काढतात आणि राष्ट्रांमध्ये देवाच्या कृत्यांची घोषणा करतात तेव्हा भीतीच्या जागी विश्वास येतो.

तारणआनंदविश्वासस्तुती

1त्या दिवशी तुम्ही म्हणाल: “याहवेह, मी तुमची स्तुती करेन, जरी तुम्ही माझ्यावर रागावला होता, तरी तुमचा राग दूर झाला आहे आणि तुम्ही माझे सांत्वन केले आहे.

2निश्चितच परमेश्वर माझे तारण आहेत; मी भरवसा ठेवेन आणि घाबरणार नाही. याहवेह, याहवेह स्वतः माझे सामर्थ्य आणि माझे संरक्षण आहेत; ते माझे तारण झाले आहेत.”

3तारणाच्या विहिरींतून तुम्ही आनंदाने पाणी काढाल.

4त्या दिवशी तुम्ही म्हणाल: “याहवेहची स्तुती करा, त्यांच्या नावाची घोषणा करा; त्यांनी जे काही केले आहे ते राष्ट्रांमध्ये माहीत होऊ द्या, आणि असे घोषित करा की, त्यांचे नाव गौरवान्वित आहे.

5याहवेहसाठी गीत गा, कारण त्यांनी गौरवशाली कार्ये केली आहेत; हे सर्व जगाला माहीत करून द्या.

6सीयोनच्या लोकांनो, मोठ्याने गर्जना करा आणि आनंद गीते गा, कारण इस्राएलचे महान पवित्र परमेश्वर तुमच्यामध्ये आहेत.”

‹ यशायाह 11 यशायाह 13 ›

Biblica® मराठी समकालीन स्वतंत्र संस्करण — CC BY-SA 4.0. Where these translations come from.