Priests sound trumpets as crowds, waves, hills, and distant nations converge joyfully near Jerusalem

ગીતશાસ્ત્ર 98

ઇન્ડિયન રીવાઇઝ્ડ વર્ઝન ગુજરાતી - 2019

પ્રકરણ સારાંશ

ગીતશાસ્ત્ર 98 રાષ્ટ્રો વચ્ચે જાહેરમાં પ્રગટ થયેલી અદ્ભુત જીતની ઉજવણી કરે છે. વીણા, રણશિંગડાં, સમુદ્રો, નદીઓ, અને પર્વતો ન્યાયી શાસકનું સ્વાગત કરતાં એક આનંદભર્યું ગાયકવૃંદ બનાવે છે જે જગતનો નિષ્પક્ષતાથી ન્યાય કરે છે.

નવું ગીતજીતસૃષ્ટિન્યાય

1યહોવાહની સમક્ષ, એક નવું ગીત ગાઓ, કેમ કે તેમણે અદ્દભુત કૃત્યો કર્યાં છે; તેમના જમણા હાથે તથા તેમના પવિત્ર બાહુએ પોતાને માટે વિજય મેળવ્યો છે.

2યહોવાહે પોતાનું તારણ બતાવ્યું છે; તેમણે પોતાનું ન્યાયીપણું વિદેશીઓની દ્રષ્ટિમાં પ્રગટ કર્યું છે.

3તેમણે પોતાની કૃપા તથા વિશ્વાસુપણું ઇઝરાયલના લોકોને માટે સંભાર્યાં છે; આખી પૃથ્વીએ આપણા ઈશ્વરનો વિજય જોયો છે.

4હે પૃથ્વીના લોકો, યહોવાહની આગળ હર્ષનાદ કરો; આનંદ અને ઉત્સાહથી તેમની સ્તુતિ ગાઓ, હા, સ્તોત્રો ગાઓ.

5વીણાસહિત, વીણા તથા ગાયનસહિત યહોવાહનાં સ્તોત્રો ગાઓ.

6તૂરી તથા રણશિંગડાંના અવાજથી યહોવાહ રાજાની આગળ હર્ષનાદ કરો.

7સમુદ્ર તથા તેનું સર્વસ્વ, જગત અને તેમાંના સર્વ રહેવાસીઓ, ગાજો.

8નદીઓના પ્રવાહો તાળી પાડો અને પર્વતો હર્ષનાદ કરો.

9યહોવાહ પૃથ્વીનો ન્યાય કરવાને આવે છે; તે ન્યાયીપણાએ પૃથ્વીનો અને યથાર્થપણાએ લોકોનો ન્યાય કરશે.

‹ ગીતશાસ્ત્ર 97 ગીતશાસ્ત્ર 99 ›

ઇન્ડિયન રીવાઇઝ્ડ વર્ઝન ગુજરાતી - 2019 — CC BY-SA 4.0. Where these translations come from.